هەواڵ ‌
وەزارەتی تەندروستی عێراق: زۆربونی ژمارەی توشبوانی كۆرۆنا زەنگی مەترسییە
وەزارەتی تەندروستی عێراق رایگەیاند، زیاتربونی ژمارەی توشبوانی ڤایرۆسی كۆرۆنا لە وڵاتەكەدا، زەنگێكی مەترسیدارە.
لە راگەیەندراوێكدا بریكاری وەزارەتی تەندروستی عێراق ئەمڕۆ شەممە بڵاویكردەوە، ژمارەی توشبوانی وڵات روی لە زیادبونە كە زەنگێكی مەترسیدارە، داوای لە هاوڵاتیانیش كرد پابەندی رێنماییەكانی خۆپارێزی بن.حازم جمیلی، بریكاری وەزارەتی تەندروستی عێراق باسی لەوەشكرد، ئاماژەیەكی باش نییە كە دەبینین ژمارەی توشبوانی بەرەو هەڵكشان دەڕوات، رونیشیكردەوە "وەزارەتی تەندروستی پێشتر هۆشداریداوە و چەندینجار رایگەیاندوە پابەندنەبون بە رێنماییەكان بەرەو تۆماركردنی ژمارەیەكی زۆر توشبومان دەبات".
لە بەشێكی دیكەی وتەكانیدا جمیلی وتی، داوادەكەین بە توندترین شێوە رێنماییەكانی خۆپارێزی و رێكارەكانی كەرتی تەندورستی لەلایەن هاوڵاتیانەوە پەیڕەوبكرێت و ئەوانەی سەرپێچیدەكەن، یاسا بە توندترین شێوە سزایان بدات.


XENDAN

21 جار خوێندراوه‌ته‌وه‌
02/08/2020