هەواڵ ‌
روسیا: داوای دەکەین کێشەکانی باکوری سوریا بە گفتوگۆ چارەسەربکرێن
وەزیری دەرەوەی روسیا رایگەیاند، داوا لە هەریەک لە ئەنفەرە و کوردەکان و دیمەشق دەکەن بۆ چارەسەری کێشەکانی باکوری سوریا پەنا ببەن بۆ دانوسان و گفتوگۆکردن.
بەپێی هەواڵێکی روسیا تودەی، سێرگی لاڤڕۆڤ، وەزیری دەرەوەی روسیا ئەمڕۆ چوارشەممە لەکۆنگررەیەکی رۆژنامەوانیدا رایگەیاند، "بۆ چارەسەری کێشەکانی باکوری سوریا، هەڵوێستی وڵاتەکەمان جەخت لەسەر پێویستی گفتوگۆکردن دەکاتەوە لەنێوان حکومەتی ناوەندی سوریا و نوێنەرانی کوردەکاندا، کە دانیشتوانی ئەو خاکەن".لاڤرۆڤ جەختیکردەوە، "پێویستە لە هەمو ئەو کارانە خۆمان لابدەین کە دەبێتە هۆی رێگری لەگەیشتن بەرێکەوتنێکی گونجاو لەسوریادا".دوێنێ سێشەممە، وەزارەتی بەرگری تورکیا رایگەیاند، هەمو ئامادەکاریەکانی جێبەجێکردنی ئۆپەراسیۆنە سەربازیەکەی باکوری سوریای تەواوبوە.


XENDAN

13 جار خوێندراوه‌ته‌وه‌
09/10/2019