هەواڵ ‌
عێراق ڕێوشوێنی توند بۆ پاراستنی تەواوی جبەخانە سەربازییەكان دەگرێتەبەر

 

سەرۆك وەزیرانی عێراق و فەرماندەی گشتی هێزە چەكدارەكان، بڕیاریدا ڕێوشوێنی توند بۆ پاراستنی تەواوی جبەخانە سەربازییەكان بگیرێتە بەر.
دوای ڕووداوی تەقینەوەی جبەخانەیەكی چەك و تەقەمەنی لە سەربازگەی سەقەڕ لە بەغدا، (عادل عەبدولمەهدی) بڕیاریدا بە گرتنە بەری ڕێوشوێنی توندوتۆڵ بۆ تەواوی جبەخانەكان سەربازییەكان لەهەموو ناوچەكانی عێراق و تەواوی زیان لێكەوتوانیش قەرەبوو بكرێنەوە.(عادل عەبدولمەهدی) ئاماژەی بۆ ئەوەشكردووە کە ڕاپۆرتی لایەنە ئەمنیەكانی لەسەر ڕووداوەكە و هۆكارەكانی خوێندووەتەوە، لێكۆڵینەوەی ورد لەو بابەتە دەكەن، بێ‌ ئەوە زانیاری زیاتر ئاشكرا بكات.ڕۆژی دووشەممە، تەقینەوەیەك لە كۆگایەكی چەك و تەقەمەنی لە بنكەی‌ سەربازی‌ سەقەڕ لە باشووری‌ شاری بەغدا ڕوویدا كە بەهۆیەوە كەسێك كوژراوە و ٣٧یش بریندارن، زیانێكی زۆری ماددیش بەر ناوچەكە كەوتووە.

PUKMEDIA

5 جار خوێندراوه‌ته‌وه‌
14/08/2019