هەواڵ ‌
ئێران: فڕەنسا بەشێكە لەو هەوڵەكان بۆ پاراستنی رێككەوتنە ئەتۆمیەكە
وتەبێژی وەزارەتی دەرەوەی ئێران رایگەیاند، وڵاتەكەی ئەو هەوڵانەی فڕەنسا بەرزدەنرخێنێت كە بە مەبەستی پاراستنی رێككەوتننامە ئەتۆمیەكە دەیدات.عەباس موسەوی، وتەبێژی وەزارەتی دەرەوەی ئێران لەمیانی لێدوانێكی رۆژنامەوانیدا ئەمرۆ چوارشەممە رایگەیاند، "تاران هەوڵەكانی فڕەنسا بەرزدەنرخێنێت، كە بەمەبەستی پاراستنی ریككەوتننامە ئەتۆمیەكە هەنگاودەنێت".
موسەوی هاوكات پێشزازیكرد لەو رۆڵەی كە فڕەنسا بە مەبەستی كەمكردنەوەی ئاڵنگاریەكان و جێبەجێكردنی رێككەوتنەكە دەیگێڕێت و وتی، "فڕەنسا بەشێكە لەو هەوڵەكان بۆ پاراستن و هێشتنەوەی رێككەوتنە ئەتۆمیەكە بە زیندویی".ئەو وتانەی موسەوی، بە مەبەستی پێشوازیكردنە لە دو راوێژكاری سەرۆكی فڕەنسا، كە بڕیاروایە سەردانی ئێران بكەن و لەگەڵ بەرپرسانی تاران كۆببنەوە.هەریەك لە ئیمانوێل بۆن كە گەورە راوێژكاری ئیمانوێل ماكرۆن، سەرۆكی فڕەنسایە، بە مەبەستی گفتوگۆكردن لەبارەی گرژیی و ئاڵۆزیەكانی نێوان واشنتن و تاران، سەردانی تاران دەكات.


XENDAN

7 جار خوێندراوه‌ته‌وه‌
10/07/2019