هەواڵ ‌
زەریف: ئامادەین ڕۆڵی نێوەندگیر لە نێوان دیمەشق و ئەنقەرە بگێڕین
وەزیری دەرەوەی ئێران محەمەد جەواد زەریف باسی لە پەرەسەندنەكانی سوریا كرد و ئامادەیی وڵاتەكەی دەربڕی بۆ ئەوەی نێوەندگیری لەنێوان حكومەتی دیمەشق و ئەنقەرەدا بكات.
زەریف لە میانەی لێدوانی بۆ تەلەڤزیۆنی RT ی ڕوسی گوتی "پێمانوایە گفتوگۆ لەنێوان توركیا و سوریا لە بەرژەوەندی ناوچەكەدا دەبێت. ئەگەر لایەنەكان داواكاری لەو شێوەیان هەبێت، ئامادەین ڕۆڵی نێوەندگیری بگێڕین".
وەزیری دەرەوەی ئێران جەختیكردەوە ئەگەر توركیا بیەوێت هەڕەشەی تیرۆر لەسەر سنورەكانی باكوری سوریا بڕەوێنێتەوە تاكە ڕێگە ئەوەیە هێزەكانی حكومەتی سوریا لەسەر سنور جێگیربێت و گوتی "نابێت ڕێگە بدرێت هێزێكی دیكە ناوچە سنوریەكان داگیر بكەن". زەریف ئاشکراشیکرد ئێران و ڕوسیا ئامادەن بۆ چارەسەری ئەم پرسی هاوكاری توركیا بكەن.
 
SPUTNIK

69 جار خوێندراوه‌ته‌وه‌
08/02/2019