هەواڵ ‌
چاوشئۆغڵو: پێویستە نەتەوە یەكگرتوەكان لێکۆڵینەوە دەربارەی کوشتنی خاشقچی بکات
لە ڕۆژانی ڕابوردودا نەتەوە یەكگرتوەكان ڕاپۆرتێكی بڵاوكردەوە و ئاماژەیدا خاشقچی لەلایەن دەسەڵاتدارانی سعودیەوە بە شێوەیەكی پلان بۆ داڕێژراو كوژراوە. 
لەمبارەیەوە  وەزیری دەرەوەی توركیا مەولود چاوشئۆغڵو باسی لە ڕاپۆرتی نەتەوە یەكگرتوەكان دەربارەی كوژرانی ڕۆژنامەنوس جەمال خاشقچی كرد و گوتی "پێویستە نەتەوە یەكگرتوەكان كۆمسیۆنێك بۆ ئاشكراكردنی بابەتەكە پێكبهێنێت یان دەست بە لێكۆڵینەوە بكات".
چاوشئۆغڵو ئاماژەیدا نەتەوە یەكگرتوەكان بۆ كۆكردنەوەی زانیاری بۆ ڕاپۆرتەكە هاتووەتە توركیا، 5 بۆ 6 پسپۆڕ لەناو كۆمسیۆنەكەدا بوون. 
هاوكات ناوبراو ڕونیكردەوە ئەو كۆمسیۆنە تەنها بۆ كۆكردنەوەی زانیاری بووە و بۆ لێكۆڵینەوەی فەمی لەسەر دۆسیی كوشتنەكە نەهاتوون. 
جێی وەبیرهێنانەوەیە لە 2 ی تشرینی یەكەمی 2018 ڕۆژنامەنوسی سعودی جەمال خاشقچی لەناو كونسوڵخانەی سعودیە لە ئیستانبوڵ لەلایەن تیمێكی تایبەتی سعودی نزیك لە شازادەی جێ نشین محەمەد سەلمانەوە كوژرا. 

 
SPUTNIK

73 جار خوێندراوه‌ته‌وه‌
08/02/2019