هەواڵ ‌
فرۆشی چەکی ئەڵمانیا بە تورکیا لە ٢٠١٨ دا بۆ چوار ئەوەندە زیادیکردووە
توركیا لە ساڵی ڕابوردودا چەكی زیاتری لە ئەڵمانیا كڕیوە.
لە دوو ساڵی ڕابوردودا پەیوەندی نێوان ئەڵمانیا-توركیا بەرزی و نزمی زۆری بەخۆوەبینی. پرسی كورد، ڕێگریكردن لە بەرپرسانی توركیا بۆ ئەوەی بانگەشەی هەڵبژاردن لە شارەكانی ئەڵمانیا ئەنجامبدەن، پێدانی مافی مانەوە بە ئەندامانی بزوتنەوەی گولەن لەگەڵ پرسی كورد گرژی لە لە پەیوەندییەكانی بەرلین-ئەنقەرە دروستكرد. وێڕای ئەم پێشهاتانە فرۆشی چەكی ئەڵمانیا بە توركیا زیادیكردووە.
وەزارەتی ئابوری ئەڵمانیا لە ڕاگەیەندراوێكیدا كە وەڵامی پرسیاری پارتی چەپی داوەتەوە، ئەڵمانیا هەناردەی چەكی بۆ توركیالە 10 مانگی 2018 دا زیاتر لە سێ ئەوەندەی هەموو ساڵی 2017 یە. 
بەگوێرەی هەواڵێكی كەناڵی ZDF لە وەڵامەكەی وەزارەتی ئابوریدا هاتووە: لە 2017 دا فرۆشی چەكی ئەڵمانیا بە توركیا 62,3 ملیۆن یۆرۆ بووە، تەنها لە 10 مانگی 2018 دا فرۆشی چەك بەو وڵاتە بۆ 202,2 ملیۆن یۆرۆ بەرزبووەتەوە. 


Deutsche Welle Türkçe

11 جار خوێندراوه‌ته‌وه‌
10/01/2019