چاوپێکه‌وتن ‌
بەهرۆز گەڵاڵی بۆ ئاوینە: تورکیا رەنگە پشتیوانی لە بەهەرێم بونی کەرکوک بکات
بەھرۆز گەڵاڵی نوێنەری یەکێتی نیشتمانی لەتورکیا رایدەگەیەنێت کە ئەگەر بژاردە لەنێوان گەڕانەوەی کەرکوک بۆ سەر کوردستان‌و ھەرێمی سەربەخۆدا بێت، “رەنگە تورکیا پشتیوانی لەبەھەرێمبونی دەکات”.
ئاوێنە، تایبەت: بەھرۆز گەڵاڵی لەچاوپێکەوتنێکی تایبەت بەئاوێنەی رایگەیاند ئەگەر کێشەکان لەگەڵ بەغدا چارەسەر ناکرێت “با خۆڵ نەکەینە چاوی خەڵک، تائێستا وەزیرەکان‌و پەرلەمانتارەکان لەبەغدان‌و ئیمتیازات وەردەگرن‌و لەولاوە باس لەشتی لابەلا دەکەن”.
لەبارەی بانگەشەی دەوڵەتی کوردییشەوە گەڵاڵی دەڵێت “ئەوە قسەیەکەو لەناوخەڵکدا بڵاوبۆتەوە کە دەوڵەتی کوردی دروست دەبێت، ئەگەر ھەر لایەنێکی سیاسیی راستگۆیە لەسەر دەوڵەتی کوردی، بابفەرموێت پەرلەمانی کوردستان کارا بکاتەوەو لەوێوە دەوڵەتی کوردستان رابگەیەنرێت، بەڵام ئەوەی ئێستا باسی لێوەدەکرێت یاریکردنە بەخەڵکی کوردستان، راگەیاندنی دەوڵەتی کوردی تەنھا دروشمەو ھیچی تر نیە”‌.
ھەروەھا نوێنەری یەکێتی لەتورکیا ئاماژە بەوە دەکات کە ئەو شاندەی حکومەتی ھەرێم چوەتە روسیا شاندێکی حزبییەو نەجمەدین کەریم وەک پارێزگاری کەرکوک لەسەر داوای باڵیۆزی روسیا لەعێراق بانگھێشتکراوە.

1253 جار خوێندراوه‌ته‌وه‌
22/06/2016