چالاکی ‌
نوێنەری یەكێتی بەجیا لەگەڵ نوێنەری تەیاری ئیسلاحی نیشتمانی و جەبهەی توركمانی كۆبۆوە

ڕۆژی 25-3 دەمژمێر 10ی سەرلەبەیانی بەڕێوەبەری مەكتەبی تەیاری ئیسلاحی نیشتمانی بەڕێز عەلی ئەكبەر والی و  هاوڕێكەی حەسەن ئەكبەر سەردانی مەكتەبی پەیوەندییەكانی  ئەنكەرەی یەكێتی نیشتمانی كوردستانیان كردو لەلایەن بەهرۆز گەڵاڵی لێپرسراوی مەكتەبی ئەنكەرەی یەكێتی نیشتمانی كوردستان پێشوازییەكی گەرم كراو نوێنەری یەكێتی پیرۆزبایی  گەرمی خۆی لە نوێنەری تەیاری ئیسلاح كرد، بەبۆنەی دەستبەكاربونی و هیوای خواست لەكارەكەیدا سەركەوتو بێ وهەموو ئامادەگییەكی مەكتەبی یەكێتی نیشتمانیشی پیشاندا بۆ پیشتوانی و هاوكاری تەیاری ئیسلاح لە ئەنكەرە، هەروەك چۆن لەسەردەمی خەبات و تیكۆشاندا یەكێتی و لایەنەكانی شیعە بەیەكەوەخەباتیان لەدژی دكتاتۆریەت كردووە، لە ئێستاش و داهاتوشداهەر هەمان سیاسەت پەیڕەو لێدەكات و پشتیوانی یەكێتی بۆدوبارە كردنەوە. نوێنەری تەیاری ئیسلاحیش زۆرسوپاسی نوێنەری (ی ن ك) كردو هیوای خواست زوو زوو سەردانی یەكتری بكەن و ئامادەیی خۆشیانی پیشاندا بۆ هەموو جۆرە هاوكارییەك.

هەر هەمان ڕۆژ، دەمژمێر11ی پێش نیوەڕۆ نوێنەری یەكێتی نیشتمانی كوردستان سەردانی بارەگای جەبهەی توركمانی كرد. لەلایەن بەڕێزلێپرسراوی مەكتەبی جەبهە (هیجران مەحمود) زۆر بەگەرمی پێشوازی لێكراو لەسەر كۆبونەوەی پێشوی ئەنجومەنی پارێزگای كەركوك گفتوگۆو قسەیان كرد. ئینجا نوێنەری (ی ن ك) گلەیی و گازانەی یەكێتی  دەربارەی نوێنەرەكەی جەبهەی توركمانی لەنەجومەنی پارێزگای كەركوكدا نیشانداوباسكرد، كە هەڵوێستێكی توندی لە كۆبونەوەكەدا پیشانداوە. نوێنەری جەبهەی توركمانیش وتی بیستومانەو ئێمە كێشەكانمان لە كەركوك لەگەل كورد نیە، بەڵكو ئەو كێشەیەی هەشمان بێت تەنیا بە دیالۆگو گفتوگۆ لەگەل كورد دەتوانین چارەسەری بكەین وبگەینە ئەنجامێكی باش وهاوبەش. هەروەك خۆشحاڵی خۆشی دەربڕی بەتایبەتی دەربارەی هەڵویستی یەكێتی وكورد لە كەركوك، ئەویش بە پێدانی سەرۆكی ئەنجومەنی پارێزگا بەتوركمان. كۆبونەوەیەكی دۆستانە و ڕاشكاونە بو. هەردوولا تەئكیدیان لەسە ربرایەتی و تەبایی و ئاشتەوایی و بەیەكەوە كاركردن و چارەسەری هەموو كێشەكان بەدیالۆگ كردەوە. شایانی باسە هەردوو لا ناوە ناوە سەردانی مەكتەبەكانی یەكتری دەكەن، بۆ قسەو گفتگۆكردن و ڕەتدانەوەی ئەو پرۆپاگەندانەی كە هەندێ كەس لەدژی بەرژەوەندییەكانی هەردوولا هەندێ جار ئەنجامی دەدەن .

بەهرۆز گەڵاڵی
 نوێنەری (ی ن ك) لە ئەنكەرە
 25-3-2011

 

1286 جار خوێندراوه‌ته‌وه‌
08/05/2015