چالاکی ‌
نوێنەری یەكێتی نیشتمانی كوردستان بەشداری لە ئاهەنگی سەفیری ئەمریكا دەكات .

ئێوارەی 22-3-2011كاتژمێر  18.30ی  ئێوارە سەفیری ئەمریكی تازە لە ئەنكەرە  بەڕێز ( فرانسیس یۆسیف ڕیچاردۆنی)كە دوومانگە هاتووە ، ئاهەنگێگی یەكترناسینی بۆ سەفیرو دیپلۆماتەكان سازكردو داوەتی نوێنەری یەكێتی نیشتمانی كوردستان( بەهرۆزگەڵاڵی) یشی كرد. لەو ئاهەنگەدا نوێنەری یەكێتی سڵاوڕێزی جەنابی مامجەلالی وەك سكرتێری گشتی یەكێتی نیشتمانی كوردستان بە سەفیری وڵاتەیەكگرتوەكانی ئەمریكا لەئەنكەرە   ڕاگەیاند و سوپاسی ئەو بانگهێشتنەشی كرد.پاشان سەفیری ئەمریكی  وتارێكی پێشكەش كردو وتی زۆر دڵخۆشم دوای 12 ساڵ جارێكی تر هاتمەوە توركیاو دەبینم كە ئێستا توركیا پێشكەوتووە، هەم لەڕووی دیموكراسی وەهەمیش لەڕووی ئابووری و لەڕووی سەركردایەتیكردنیشەوە بۆ پێشەوە گەشەی كردووە.پاشان نوێنەری یەكێتی لەگەڵ سەفیری ئەمریكی تازە    لەسەر وەزعی عیراق و ناوچەكە بەگشتی  هەندێ قسەیان كردوسەفیر باسی دەوری مامجەلالی كردو  وتی تاڵەبانی پیاوێكی زۆر عەزیمە  و لەنزیكەوە دەیناسم و ڕوڵێكی گرنگ لەعیراق دەگێڕی ..شایانی باشە كاتی خۆی ئەو سەفیرە ماوەیەكی زۆر لەئینجەرلیك كاریكردووە. ژمارەیەكی زۆر سەفیرو دیپلۆمات بەشداربون لەگەڵ هەندی شەخسیاتی گەورەی تر   . هەروەها نوێنەری یەكێتی لەگەل حیكمەت چەتین گفتوگۆیكردو بەرێزی  سڵاوی نارد بۆبەرێز  مام جەلال.هەروەها نوێنەری یەكێتی لەگەڵ بەرێز پرۆفیسۆر دكتۆر گونەیت جان سەرۆكی بەهاییەكانی توركیا گفتوگۆی كرد  كەژمارەمان لەتوركیا 11000 یانزە هەزار كەس دەبێ و لەناوچەكانی (تۆكات و چۆرم و یۆزگات و سیواس ) دەژین و وتیشی لەو نزیكانە ئارەزوو دەكەم بێم  بۆئۆفیسەكەتان و سەردانت  دەكەم .نوێنەری یەكێتیش سوپاسی بەرێزیانی كرد.لەدوایدا نوێنەری یەكێتی سوپاسی سەفیری ئەمریكی كرد بۆ ئەو داوەتیەو گرنگی دانە بەمەكتەبی یەكێتی نیشتمانی كوردستان لەئەنكەرە .

بەهرۆز گەڵاڵی ئەنكەرە
 22-3-2011 

 

1335 جار خوێندراوه‌ته‌وه‌
08/05/2015