وتار‌
لە یادی شەهید کاردۆ گەڵاڵی و عەلی هەژاردا

هەموو جارێك كه ٩ى نيسان دێتەوه، بيرەوەرى ڕۆژى گيرانى شەهيدان كاكه كاردۆ گەڵاڵی و كاك عەلى هەژارم  دێتەوە ياد، كه لەو ڕۆژەدا لەناو دادگاى هەولێر لەلایەن دەزگا داپڵۆسێنەرەكانى ڕژێمى فاشيستى سەدام ڕفێندران و به بەرچاوى  خەڵكەوە ڕفێندران و ڕاپێچدران  بۆ دائيرەى ئەمنى هەولێر كه شوێنى لێدان و ئازاردانى ڕۆڵه تێکۆشەر و فيداكارەكانى گەلەکەمان بوو.

بەڵێ له ڕۆژى ٩-٤- ١٩٧٩ هه ردوو پارێزەر و دامەزرێنەرانى بزوتنەوەى سوسياليستى كوردستان كه له ناو رێكخستنە نهێنیەكان كاريان دەكرد و ڕۆژانه خەريكى ژيانى حزبايەتى و ڕێكخستنەوەى گەنج و لاوەكان و كريكاران و چين و توێژه خۆنەويستەكانى گەلەكەمان بون . بێوچان له و پێناوەدا كاريان دەكرد و چاونەترسانه له دژى ڕژێمى سەدام كاريان دەكرد و خه ڵكى ناو شار و ئۆردوگا و گوندەكانيان بۆ شۆڕشى نوێى گەلەکەمان ڕێکدەخستەوە و هه ميشه له خزمەتكردنى گەلەكەمان له ڕيزى پێشەوەدا بوون . بەڵێ له كاتى خزمەتكردن و كارى حزبايەتيدا بەداخه وه به نوێژى نیوەڕۆ لەلايه ن سيخوره دڵڕەشەكانى بەعس ئەو دوو سه ركرده قارەمانە گيران و دواى چەندين ساڵ له ئازاردان و ئەشكەنجەيەكى زۆر شەهيديانكردن .

 بەڵام هه ردووكيان زۆر خۆڕاگربون له كونجى زيندانەكان و پاڵەوانانه خۆيان ڕاگرت و هيچ جۆره ئيعترافێكيان لەسه ر هه ڤاڵەكانى خويان نەكرد و مەردانه ڕروبەڕوى بەعسيه دڕنده كان وەستانەوه و خۆڕاگر بون تاكو بڕيارى كوشتنى لەسێدارەدانيان درا و تەنانەت داموده زگا ئەمنييه چاوچنۆكەكانى  بەعس ئەوەندە داخ له دڵبون لە بەرانبەريان به جۆرێك دواى كوشتنيشيان جەنازەكانيشيان نەداينەوه...

ئێستاش نازانين گۆڕى  ئەو دوو سەركرده  بەتوانا و لێهاتوەى گەلەکەمان و ئه و دوو پارێزەرو مافپەروەرەى كوردستان گۆڕەكه يان  له كوێيه، بەڵام ئەم ڕژێمە دڕندەیە لەهەمان ڕۆژى ٩-٤-٢٠٠٣ له گۆڕنران و ڕوخێنران و دايكى هه موو شەهيدانى كوردستان دڵيان ئارامبویەوە كاتێک بينييان لەم ڕۆژەدا ڕژێمه گۆڕبەگۆڕەکەی سەدام و دارو دەستەكەى له دەسەڵات لادران و عێراق و كوردستانيش ئازاد بوون .

بۆيه له ڕۆژى ٩-٤ دا واته ئەمڕو له ئاستى شەهيد كاردۆ گەڵاڵی و شه هيد عه لى هەژار سه رى رێزو نەواز ش دادەنەوێنم و شوێنيان له ميژووى گەلەکەمان و دڵ و دەرونى هەموو نيشتمانپەروەرێكى دڵسۆز دياره و تا دونيا ماوه ئەو دوو شەهيده پاڵەوانه له ياد ناكرێن و لەگە ڵ هەموو شەهيدانى ترى كوردستان، هه ر به سەربه رزى دەمێننەوه و مێژوو خەباتەکەشيان هەميشه دەدرەوشیتەوە  و كوردستانيان به خوێنى خۆيانڕڕوناککردەوە و به سەربەرزيش چونه ناو مێژووى پر له خوێناوى گه لی كوردستانه خۆشەويستەكەمان.

هه ر نەمرن و هه ر به نەمريش هه ردوو شه هيد كاردۆ گەڵاڵی و عەلى هەژار له مێژودا دەدرەوشێنەوە و شەهيدى ڕوناككەرەوەى نيشتمان و كورد و كوردستانن .....

بەهرۆز گەڵاڵی

٩-٤-٢٠٢٠

602 جار خوێندراوه‌ته‌وه‌
10/04/2020

وتاری زیاتر...