وتار‌
ئاماژەی كاری هاوبەشی پەروین بوڵدان لەگەڵ جەهەپە
*عەبدولقادر سەلڤی

لە سیاسەت پێشهاتی سەیروسەمەرە ڕودەدات.
سەردانی هاوسەرۆكی هەدەپە پەروین بوڵدان جێگری سەرۆكی فراكسیۆنی پارتەكە میدحەت سەنجار بۆ لای جێگری سەرۆكی فراكسیۆنی ئاكپارتی ناجی بۆستانجی، شانۆی سیاسی خستە جموجۆڵەوە. 
پەروین بوڵدانم بینی. گوتی ڕاگەیاندنی ئەوەی لە سێ شاری گەورە كاندیدیان نابێت "تەوا بەڕێكەوت" بووە. گوتی "هەڵوێستمان بەرامبەر ئاك پارتی ڕوونە". هەدەپەییەكان لە ناوچەكەدا و لەكاتی كاركردن بۆ هەڵبژاردن دوچاری فشار بوونەتەوە، هاوسەرۆكی هەدەپە سەزایی تەمەللی باسی لەوە كرد لە كاتی سەردانی بۆ شاری وان كاروانی ئۆتۆمبێلەكانی توشی بەربەست بوون. سەیری ناوەڕۆكی كۆبوونەوە 25 خولەكیەكەم كرد. هیچ دەربڕینێك نییە بۆ ئەوەی هاوپەیمانی لەنێوان هەدەپە و ئاك پارتی- دا ڕوبدات. پرسیارم لە پەروین خان كرد "دەڵێن لەو شوێنانەی هەدەپە كاندید پێشكەش ناكات پشتیوانی جەهەپە دەكات".
بوڵدان نەیگوت "نەخێر" بەپێچەوانەوە پەیامی كاركردنی هاوبەشی لەگەڵ جەهەپە دا. گوتی "هەر لەسەرەتاوە گوتومانە پشتیوانی یەكگرتنی هێزەكان دەكەین. وا بیردەكەینەوە پشتیوانی لەو كاندیدانە بكەین كە پاشەكشە بە ئاكەپە و مەهەپە دەكات". 
هەدەپە لە ئیستانبوڵ، ئیزمیر و ئەدەنە پاڵێوراوی سەرۆكی شارەوانی دیارینەكرد. لە هەڵبژاردنی 24 ی حوزەیران هەدەپە لە ئیستانبوڵ لەسەدا 12,7، لە ئیزمیر 11,5 و لە ئەدەنە- ش 13,5 دەنگەكانی هێنا. سەبارەت بەو ڕێژە گرنگە پەروین بوڵدان گوتی "بەپشتبەستن بەو ڕاپۆرتە نوێیانەی لە ڕێكخستنەكانمانەوە هاتوون، لە چەند شوێنێكی دیكەش كاندید دەستنیشان ناكەین. لەم قسانەی بوڵدانەوە لەوە تێدەگەی كە كارە هاوبەشەكە لەو سێ شارە گەورەیە سنوردار نابێت. بەگوێرەی زانیارییەكانی پشتی پەردەوە هەدەپە لە حەوت شوێن كاندید پێشكەش ناكات. 
لەو سەردەمەی ئەرداڵ ئینۆنو سەرۆكی گشتی بوو SHP و HEP هاوپەیمانی هەڵبژاردنیان پێكهێنا، ژمارەیەك پەرلەمانتار چوونە ناو پەرلەمانەوە كە لەیلا زانا- شیان لەنێودا بوو. موراد قەرایاڵچن كە SHP ی دامەزراندبوو هاوپەیمانێتی دروستكرد بەڵام ئەو كاریگەر نەبوو. لە هەڵبژاردنەكانی 24 ی حوزەیران هەدەپە نزیكەی لەسەدا 3.5 ی دەنگەكانی بۆ موحەرەم ئینجە بوو، جەهەپەش لەسەدا 3.5 دەنگەكانی دا بە هەدەپە بۆ ئەوەی بەربەست تێپەڕێنێت. ئەمجارەشیان جەهەپە و ئیی پارتی لەڕێگەی دروستكردنی هاوپەیمانێتی میللەت لەگەڵ هەدەپە كاری هاوبەشی داپۆشراوی نهێنی ئەنجام دەدەن. بە قسەكردنمان لەگەڵ پەروین بوڵدان ئەو ڕاستیە دەسەلمێنێت. ئیتر لەو مێزەوەی جەهەپە و ئیی پارتی لەسەری دادەنیشن هاوبەشی سێیەمی نەبینراو هەیە. ئەویش ناوی هەدەپە- یە. 
قەیرانی قافتانجیئۆغڵو درێژەی هەیە
لەمیانەی دیاریكردنی كاندیدەكانی جەهەپە بۆ سەرۆكی شارەوانی و لەكاتی كۆبوونەوەی ئەنجومەنی پارتەكە، سەرۆكی لقی ئیستانبوڵی جەهەپە جانان قەفتانجیئۆغڵو سەرەتا دەستی لەكاركێشایەوە و دواتریش پەشیمانبووەوە. دەگوترێت بەهۆی ئەوەی جانان قافتانجیئۆغڵو دژی كاندیدی شارۆچكەكانی ئەتاشەهیر، بەكركۆی و ماڵتەپە بووە ڕێگەی دەست لەكاركێشانەوەی گرتووەتەبەر. ڕەهەندێكی دیكە بۆ ئەو بابەتە زیادیكردووە، باس لەوە دەكرێت قەفتانجیئۆغڵو لە ئەسەنیورت و سانجاكتەپە ناوی ئەو كاندیدانەی هێناوە كە لە هەدەپە- وە نزیكبوون، بەڵام كاتێك ئەو ناوانە نەخراونەتە ناو لیستەكەوە كارتی دەست لەكاركێشانەوەی پێشكەش كردووە.
جێگری سەرۆكی فراكسیۆنی جەهەپە ئەنگین ئاڵتای گوتبوی "ئەوە دەبینرێت كە كێشەیەك لەناو جەهەپەدا هەیە. بێ شەرمی دەست لەكاركێشانەوەی سەرۆكی لقی ئیستانبوڵ، ڕێگە خۆش دەكات بۆ ئەوەی زیانی زۆر بەر جەهەپە بكەوێت. وێڕای ئەو بێ شەرمیەی نابێت لە پۆستەكەی بەردەوامبێت. ئەگەر بەردەوامبێت ئەمجارەیان دەست لەكاركێشانەوەی دیكە ڕودەدات". كەسێكی وەك ئاڵتای كە سەنگی خۆی لەناو جەهەپەدا هەیە ئەم كارەی سەیربوو. ئەگەر كڵچدارئۆغڵو نەتوانێت هەنگاوی ڕازیكەر بنێت، لە دوای یەكەم كۆبوونەوەی ئەنجومەنی پارتەكە دەكرێت "دەست لەكاركێشانەوەكانی جانان قافتانجیئۆغڵو" ڕوبدات. 
...
1072 جار خوێندراوه‌ته‌وه‌
30/01/2019

وتاری زیاتر...