وتار‌
بۆڵتن دیالۆگی توركیا-ئەمریكا تێكدادە و ئەنقەرە جێدەهێڵێت
*مەهمەت باڕلاس

دوای ئەوەی ڕاوێژكاری ئاسایشی نیشتیمانی ترەمپ، جۆن بۆڵتن ڕۆژانێكی خۆشی لە ئیسرائیل بەسەربرد، وا دیارە ئەوەی لە ئەنقەرە بەسەریهات توشی حەپەسانی كردووە. كاتێك لە ئیسرائیل بوو بۆڵتن لەگەڵ نەتانیاهو دیمەنی دۆستی گیانی بە گیانیان نیشاندا، سەرۆك كۆمار ئەردۆغان هەر تەنها بەوە نەوەستا كە كاتی بۆ دیدارەكەی دیارینەكرد، بەڵكو ئیدانەی ئەو قسانەشی كرد كە سەبارەت بە كوردەكان كردبووی.
ئەنقەرەی جێهێشت
ئەو دیالۆگە دۆستانەیەی لە نێوان ترەمپ و سەرۆك كۆمار ئەردۆغاندا دروستبووە بۆڵتن لەباریدەبات و بەپەلە پڕوزكێ ئەنقەرەی جێهێشت. دوێنێ بەیانییەكەی بۆڵتن لەگەڵ وتەبێژی سەرۆكایەتی كۆمار ئیبراهیم كاڵن، یاریدەدەری سەرۆكی میت و بەرپرسانی دیكە كۆببووەوە. ئیبراهیم كاڵن سەبارەت بەو بابەتە گوتی "هیچ وادەیەكی پەسەندكراوی بەڕێز سەرۆك كۆمار بۆ بەڕێز بۆڵتن نییە. داوكارییەك هەبوو بۆ ئەوە بەڵام پەسەندنەكرا".
شەوێكی لەناكاو...
دوای كۆبوونەوەی هەفتانەی فراكسیۆنی ئاك پارتی سەرۆك كۆمار ڕەجەب تەیب ئەردۆغان لەمیانی لێدوانی بۆ دەزگاكانی میدیا ڕایگەیاند هاوشان و موخاتەبی بۆڵتن بەڕێز ئبراهیم كاڵن- ە. لەكاتێكدا سەرۆك كۆمار دەیگوت لە هەر كاتێكدا لەگەڵ ترەمپ دیدار ئەنجام دەدا، هەرچەندە لە ئێستا هیچ كاتێك دیارینەكراوە بەڵام جەختیكردەوە لە هەر كاتێكدا بێت دەكرێت لەگەڵی كۆبێتەوە. كاتێكیش پرسیاری لێكراو لەوەی "كەی ئۆپەراسیۆن ئەنجامدەدرێت" لە وەڵامدا گوتی "شەوێكی لەناكاو دێین. لە هەركاتێكدا بێت ئۆپەراسیۆنەكە ئەنجامدەدەرێت. دوای ئەو سەردانە پێویست دەكات یەكسەر پەیوەندییان پێوەبكرێت". 
بۆڵتن هەڵەی كرد
سەرۆك كۆمار ڕەجەب تەیب ئەردۆغان لە كۆبوونەوەی هەفتانەی فراكسیۆنی ئاك پارتیدا دەربارەی بانگەوازەكەی بۆڵتن كە پەیوەستە بە دەستەبەری بۆ یەپەگە گوتی "یەپەگە پەكەكە كێیە نایناسن. هیچ كاتێك ڕێكخراوی تیرۆرستی پەكەكە و پەیەدە نابنە نوێنەری خوشك و برا كوردەكانم. بۆڵتن هەڵەیەكی زۆر زەقی كردووە، دەرفەت نادەین". هەروەها ئەردۆغان لە قسەكانیدا گوتی "ئامادەكارییەكان بۆ ئۆپەراسیۆنی سەربازی تەواوكراون. لە ماوەیەكی زۆر نزیكدا بۆ ئەوەی تیرۆر لە خاكی سوریادا لەناوبەرین دەست بە جوڵەی سەربازی دەكەین".
پۆمپیۆ قسەیكرد
وەزیری دەرەوەی ئەمریكا پۆمپیۆ سەبارەت بە كشانەوەی لە سوریا گوتی "سەبارەت بە كاتی كشانەوە قسەناكەین بەڵام سەرۆك بەڵێنی كشانەوەی داوە. نزیكەی 2 هەزار كەسمان بە جلی سەربازیەوە لە ناوچەكە دەكشێنینەوە". بەگوێرەی ڕاگەیەندراوی وەزارەتی دەرەوەی ئەمریكا كاتێك پۆمپیۆ لەمیانەی گەشتە دبلۆماسیەكەی بۆ 7 وڵاتی خۆرهەڵاتی ناوەڕاست لەناو فڕۆكەدا وەڵامی ڕۆژنامەنوسانی دایەوە. پۆمپیۆ لەچوارچێوەی گەشتەكەی بۆ خۆرهەڵاتی ناوەڕاست سەردانی وڵاتانی ئوردن، میسر، بەحرێن، قەتەر، سعودیە، عومان و كوێت دەكات.   
185 جار خوێندراوه‌ته‌وه‌
09/01/2019

وتاری زیاتر...