وتار‌
ئایا جۆن بۆڵتن پارێزەری كوردەكانە؟
*مەحمود ئۆڤور

ژیری قوڵی ئەمریكا دیسانەوە لەپێناوی ڕزگاركردنی ناوچەكە لە قەیران هەوڵێكی دڵَشكێنەرانە بە هەدەر دەدات. ترەمپ دەڵێت لە "سوریا پاشەكشە دەكەین." پنتاگۆن و سی ئای ئەی لەپێناوی ئەوەی ئەو ناوچەیەیان كە كردۆتەوە گۆمی خوێن بۆ ئەوەی نەكشێنەوە هەموو ڕێگایەك دەگرنەبەر. ترەمپ دەڵَێت "نابێت لەگەڵ ڕێكخراوی تیرۆرستی پەیوەندی ببەستین و پێویستە لەگەڵ دەوڵەت ئەو پەیوەندییە ببەستین." ئەوانیش دەیانەوێت لەڕێگەی درۆی پاراستنی "تیرۆرستانی" پەكەكە و پەیەدە كە هەموو جیهان بە تیرۆرستیان ڕاگەیاندون و بەربەرچاوی هەموو جیهان دەیانەوێت ڕەوایەتی بەوە بدەن. كەڵەگایانی جەنگ دەیانەوێت ناوچەكە بكەن بە دوژمنی یەكتر. دەیانەوێت كورد تورك، تورك و عەرەب، عەرەب و فارس بكەنە دوژمنی یەكتر. بەمشێوەیە ناوچەكە هەمیشە پێویستی بە ئەوان دەبێت.  
ئەم ڕاستییە ماوەی 100 ساڵە خەڵكی ناوچەكە دەیزانن. دەزانن لە موسەدەقی ئێرانییەكانەوە بۆ فرۆشتنی مەلا مستەفای بارزان، لەرێگەی هاندانی سەدامەوە و ئاگرتێبەردانی عێراق بۆ گۆڕینی گۆمی خوێنی فەلەستین و بەهاری عەرەبی. بەڵام ئەوەی زۆر باش دەزانێت توركیایە كە لە 1974 ەوە "هاوبەشی ستراتیجی" ە. توركیا هەر كاتێك بەهۆش خۆیدا هاتبێتەوە بۆ چارەسەری كێشەكان، لەبەرامبەردا ئەمریكا یان بكەر نادیارەكان توشی كودەتا و پێكهاتەی فوتۆ- یەكان بووەتەوە.
دواجار لە ساڵی 2013 دا پرسی كورد كە ویسترا لەناو سیستەمی دیموكراسی بەرەو چارەسەری بڕوات دیسانەوە ئەمریكا "گێزەری لە سوریا" بۆ پەكەكە درێژكرد.
ئێستاش ئەو ئەمریكایە هەم بە ئاشكرا پشتیوانی تیرۆر دەكات و هەمیش بە بێ چاو و ڕویی ڕۆڵی "پاراستنی كوردەكان" دەگێڕێت. 
ڕاستیەكەی ئەوەیە خەمی ئەوەمە ئایا ئەمڕۆ ڕاوێژكاری ئاسایشی ئەمریكا جۆن بۆڵتن بە چ چاو و ڕویەكەوە دەڵێت خاوەندارێتی لە "كوردەكان" دەكەن.   
ئەگەر خەمی ئەوانە چارەسەری پرسی كورد بوایە سەرەتا پشتیوانیان لە توندوتیژی و تیرۆر نەدەكرد. جار جار لە تەلەڤزیۆنەكانەوە سەبارەت بە خوالێخۆشبوو ئاڵتونچ ئاڵتن ئەم وتانە بڵاودەكرێتەوە:
"ئەمە زۆر ئاشكرایە؛ ئەگەر بشڵێت ‌ئێستا چەكی پەكەكەم فڕێدا، خۆم ڕادەست دەكەم‘ ئەم كێشەیەیان پێ چارسەر نابێت... ‌لەڕاستیدا ئەم واقیعە، پەكەكەی دروستكردووە، لەرێگەی ‌ڕۆڵێكی سەختە‌ ەوە ئۆجەلان كردویەتی بە ڕەوشێكی سیاسی و پەرتوكی نوسیوە و زوو زوو ئەمەی گوتوە. 
لەمەوپێشیش نوسیومە و ئەم قسانە تۆمار كراوە:
نەخشەی سیاسەتی خۆرهەڵاتی ناوەڕاست لە جەنگی جیهانی یەكەمدا، لانیكەم بۆ ئەوە كێشراوە ماوەی 100 ساڵ كێشە دروستبكات. 
(...) ئامانج ئەوەیە؛ جیاوازی كوردەكان قوڵبێتەوە كە بە درێژایی مێژوو لەگەڵ گەلی عەرەب، تورك و ئێران ژیاوە، ئەو قەوارەیەی هەیە تێكبچێت و هانبدرێت بۆ ئاژاوە و وابێت هەمیشە بكەونە حالەتی شەڕ لەگەڵ یەكتری. 
هەر لەبەرئەوەیە ئەمریكا لە سوریا خاوەندارێتی لە پەكەكە-یەپەگە دەكات. مەرامەكەی ئەوەیە پەكەكە بەكاربهێنێت و فشار بۆ ئێران و توركیا بهێنێت و ئەگەر پێویست بكات بە شەڕیان دا...

 
114 جار خوێندراوه‌ته‌وه‌
08/01/2019

وتاری زیاتر...